Меню
16+

Сетевое издание Ахтынского района

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

АТК-дин заседание кьиле фена

И йикъара райондин администрацияда райондин кьил О.М.Абдулкеримован регьбервилик кваз «Ахцегь район» МР-дин терроризмдиз аксивалунин рекьяй комиссиядин нубатдин заседание кьиле фена. Адан кIвалахда «Ахцегь район» МР-дин кьилин заместителри, райондин общественный ва диндин тешкилатрин регьберри иштиракна. Заседание ачухай райондин АТК-дин председатель О.М.Абдулкеримова адан иштиракчияр йикъан месэлайрихъ галаз танишарна. Абурни агъадихъ галайбур тир: «Ахцегь район» МР-дин образованидин идараяр терроризмдин ва цIаяр акатунин къурхулувиликай хуьн алай гьал ва абурун хатасузвал таъминарун хъсанарунин серенжемрин гьакъиндай, «Ахцегь район» МР-дин образованидин идарайра диндин экстремизмдин идеологиядиз аксивалунин кIвалах алай гьал ва адан вилик пад кьунин рекьяй серенжемар.

Сифте месэладай кIватI хьанвайбурун вилик райондин администрациядин кьилин заместитель В.А.Агъасиев экъечIна рахана. Ада образованидин идараяр терроризмдин идеологиядин таъсирдикай хуьн патал кьабулнавай серенжемрикай ва райондин образованидин идарайра гележегда и рекьяй саламат авун патал вилик акъвазнавай месэлайрикай лагьана. Кьвед лагьай месэладай доклад гваз инал РУО-дин начальникдин заместитель С.Н.Назаров экъечIна рахана. Адани райондин образованидин идарайра диндин экстремизмдин фикирар чукIуниз аксивал авунин рекьяй образованидин управлениди ва райондин образованидин идарайри тухузвай кIвалахдин гьакъиндай суьгьбетна.

Кьиле фейи серенжемдал райондин имамрин Советдин председатель, Ахцегьрин Жуьмя мискIиндин имам А.Абдулгьашумова, Ахцегь районда РД-дин Муфтиятдин векил У.Шамилова, «Ахты ТВ-дин» директор, райондин дишегьлийрин Союздин председатель Т.Муспагьовади ва масабуру чпин фикирар лагьана. Инал килигай месэлайрай къарар кьабулна.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3