Меню
16+

Сетевое издание Ахтынского района

17.07.2020 10:24 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ХИПЕХЪАНВИЛИ ТЕРЕФ ХУЬН ИСТЕМИШЗАВА

Июлдин юкьвара Дагъустандин Гьукуматдин Председатель Артём Здунован регьбервилик кваз кьиле тухвай совещанидал республикада хипехъанвал вилик тухун ва адан суьрсет маса уьлквейриз рекье тун алай гьал ва гележегдин месэлаяр веревирдна.

РД-дин Кьилин ва Гьукуматдин Администрацидин пресс-къуллугъди хабар гайивал, месэла гьелуна РД-дин Гьукуматдин Председателдин заместитель Абдулмуслим Абдулмуслимова, РД-дин хуьруьн майишатдин ва недай суьрсетдин министр Абзагьир Гьуьсейнова, РД-да авай Россельхознадзордин Управленидин руководителдин заместитель Гьажимегьамед Азаева, талукь тир ведомствойрин руководителри ва фермерри иштиракна. Абзагьир Гьуьсейнова хабар гайивал, алай йисуз хипехъанвилин хилен тереф хуьнин мумкинвилиз цIийи кьилелай килиг хъувун фикирдиз къачунва.

Министрдин гафаралди, гьар са диде хпез гузвай субсидийрин кьадар артухарун ва маса гузвай сарин къиметар хкажун планламишнава. Идалайни гъейри, жанлу заланвиле аваз вахкузвай гьерен якIуз гузвай цIийи субсидияр кардик кутадайвал я. И серенжемар гьа са вахтунда кьабулуни хипехъанвилин хел «хъендикай» хкуддай мумкинвал гуда, гьикI лагьайтIа маса гузвай як «Меркурий» къурулушда регистрация авун ва ам талукь тир ветеринарный сертификациядай акъудна кIанда.

Вичин нубатда, Гьажимегьамед Азаева Халкьарин арадин эпизоотический бюродин алава истемишунин гьакъиндай рикIел хкана. «Экспортдин сергьятра аваз са къурхулувални жедач. Республикада ругуд кархана аттестациядай акъуднава. Абур гьакI Ирандиз чпин суьрсет рекье твада. Мадни кьве карханади чпин суьрсет, кьилди къачуртIа хипен як, Арабрин Саднавай Эмиратриз рекье тун патал арза вугана. Исятда и уьлкведин патай разивал гьуьзетзава. Идалайни гъейри, Россияда чавай гьайванрин як тухуз жедай 33 регион ава», — къейдна ада.

РД-дин хуьруьн майишатдин ва недай суьрсетдай министрди хипехъанвилин хел лапагар сертифицироватнавай жуьреда тукIунунин шартIуналди къведай йисуз финансралди хуьнин гереквилел фикир желбна. Гьа са вахтунда республикадин территорияда са шумуд салахана аттестациядай акъудун патал Халкьарин арадин эпизоотический бюродихъ галаз санал кIвалахна кIанда.

Ахпа совещанидин иштиракчийри чпин фикирар лагьана. Идалай кьулухъ Артём Здунова РД-дин Минсельхозпроддиз як ва якIун суьрсет, гьа жергедай яз гьерен як МЭБ-дин истемишунрин сергьятра аваз республикада, СКФО-дин ва ЮФО-дин регионра маса гун тешкилунин тапшуругъ гана. Хилен министерстводиз гьерен як Россиядин маса регионризни маса гунин мумкинвилериз килигунин тапшуругъ ганва.

М.НАРИМАНОВ

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2